اليوم 19 اكتوبر ذكرى وفاة مرا عمركم ما شفتوها ولّا سمعتو علاها في إعلام القمامة : علجية الجديدي ... لبؤة ڨفصة و رمز إنتفاضة ڨفصة الحوض المنجمي 2008 ... مرا كانت تقود المظاهرات المحاصره بآلاف من أعوان البوب و هي تقول في كلمتها الشهيره " هيّو في عڨابي ، ماتخافوش ڨدموا ڨدموا !
المرا هاذي وبرشا منها كانوا ماهمش مسامحين في حق ابنائهم إلي شردهم النظام و في حق إلي قتلوهم وإلي ضربوهم وعذبوهم . وفي حق العرق إلي كلوه وسرقوه ونهبوه .. وفي حق الفسفاط إلي مشى وما ولاش وبقات قفصة تاعبة من جميع النواحي .. رغم توفيرها لجزء كبير من العائدات المالية للدولة ..
إلي لولا السراق والكلاب إلي يحبو يسامحوهم اليوم .. كانت قفصة وبرشا مناطق ينجم يكون حالها أحسن ببرشا من المدن وكان مافماش نزوح من الريف للمدينة .. لكن الدولة إلي هي ملك منظمة الأعراف تهز من منطقة باش تعمر منطقة أخرى و كلوا على هوى البورجوازية وحسب مصالحهم العملية أو الشخصية ..
في ذكرى وفاة العظيمة علجية الجديدي نقولو#ماناش_مسامحين في كل حق تسرق في كل شبر في هالبلاد
ليست هناك تعليقات:
إرسال تعليق