مريم البريبري
Myriam Bribri بنية تعمل الكيف، انسانة، فنانة، صاحبة صاحبها وحتى خصمها في الحق، تشق في ثنيتها بثبات وإصرار وبرشة فن في ماركة اللبسة الي عملتها "بريبري" BriBri ..
كان مظاهرة تقلك انا، كان استشارة على قماش والا خياطة والا كيف تتبل القنفد، تقلك انا، كان بش نبكيو تقلك هاني معاك وتحط يديها في خديها، كان بش نفرحو تجي هي وامها بشقالة الكسكسي بالقرنيط والحزام وطبال قرقنة.. بنية قنفيدة للي يعرف كارها، وشوكة وشلهب للظلام وولاد وبنات الكلاب..
هبطتشي مريم فيديو بوليس يبتز في مواطن وفضحتتو؟ شكاوشي بيها في هاك الطبالة "هضم جانب"؟ تحولتشي بقدرة قادر من مبلغة عالفساد لمتهمة؟ ايييكهو عاااد، حكمولها البارح بأربعة شهر حبس وخطية مالية! وهانا بش نهدو عليهم قبل الاستئناف ونصورو عملية تحويل وجهة القضية ونهضمو الجانب مع بعضنا ونروحو بمريومتنا ونهزولهم الڨافيصكون يهضموا بيه.
#سيبوا_سمانا_هاطحانة
